اذا حسيت بالغربه اجي انزف على دنياك
ياأجمل حب من غيرك اذا جفيت يرويني
ترى الدنيا انا عندي ولا تسوى ظفر يمناك
ولا هالكون ياعمري بدونك صار يعنيني
تبي عمري تبي روحي حياتي دنيتي تفداك
انا من كثر ماحبك زرعتك في شراييني
وصار الشوق يذبحني ولو حتى وانا وياك
وطيفك مايفارقني ولو غمضتها عيني
غريبه ليه تتكسر حروفي كل ما القاك
وليش تموت اشعاري وتخذلني دواويني
ابي احكي ابي اشكي ابي اصرخ واقول اهواك
عسى تدري ولو مره بنارك كيف تكويني
اذا تبغى الدليل اني عجزت وما قدر انساك
تعال وافتح صدري بايديك واسكني فيني
بعدها تعرف اني صحاري مارتوت من ماك
وانك لو وهبتيني حياتك مانصفتيني
الرئيسية 
الأحد ديسمبر 30, 2007 8:47 am